Канал “Культура” Беларускага радыё стаў першай у Беларусі спецыялізаванай радыёстанцыяй. Асноўная мова вяшчання – беларуская. Мэтавая аўдыторыя канала – людзі, якія цікавяцца нацыянальнымі і сусветнымі культурнымі дасягненнямі, а таксама хочуць быць у курсе апошніх падзей у свеце мастацтва. Дэвіз канала “Культура” – “Мы выбіраем вечныя каштоўнасці”.
Канал пачаў вяшчанне 1 студзеня 2002 года і адразу вылучыўся са шматгалосся эфірнай прасторы як радыё для інтэлектуалаў. Канал “Культура” пастаянна развіваецца і ўдасканальваецца ў адпаведнасці з місіяй – ідэнтыфікацыя нацыянальнай культуры ў кантэксце сусветнай.
Супрацоўнікі радыёстанцыі стараюцца ахапіць усе бакі шматграннага паняцця “культура”, таму кожны новы сезон тэматычная палітра становіцца больш насычанай.
Слухачы канала “Культура” знаёмяцца з лепшымі ўзорамі літаратуры, драматургіі, народнай, класічнай і сучаснай музыкі, уключаючы трансляцыі з Вялікай студыі Дома радыё, Белдзяржфілармоніі, Вялікага тэатра Беларусі.
Журналісты рыхтуюць рэпартажы з вернісажаў, тэатральных прэм’ер, навуковых лабараторый, аўдыторый ВНУ і школьных класаў. У эфіры канала выступаюць культуролагі, мастацтвазнаўцы, сучасныя творчыя асобы.
Канал “Культура” гучыць кругласутачна на частотах УКВ, у інтэрнэце і ў FM-дыяпазоне:
Мінск - 102,9 FM
Брэст - 88,5 FM
Віцебск - 99,3 FM
Гомель - 91,5 FM
Гродна - 95,0 FM
Магілёў - 99,1 FM
Трапянок У. А. – дырэктар дырэкцыі канала “Культура”.
Сайт: radiokultura.by
Рэкламны аддзел:
+375 17 389 60 78
+375 17 389 60 39