Прэзідэнт павіншаваў католікаў з Вялікаднем
"Светлыя дні гэтага вялікага свята нагадваюць нам аб выратавальнай надзеі, стваральнай міласэрнасці і ўсёабдымнай любові, напаўняюць сэрца хрысціянскай мудрасцю. Мы шчыра дапамагаем блізкім, абараняем слабых, аб'ядноўваемся перад тварам выпрабаванняў. І з новымі сіламі будуем будучыню, у якой ёсць годнае месца кожнаму чалавеку. Хай узнёслыя імкненні да дабра і справядлівасці застануцца непарушным падмуркам міру і згоды ў беларускім грамадстве, а святочны велікодны настрой доўжыцца як мага больш", - гаворыцца ў віншаванні Кіраўніка дзяржавы.
Католікі ўсяго свету святкуюць Уваскрэсенне Хрыстовае
Святочныя набажэнствы напярэдадні прайшлі ва ўсіх касцёлах нашай краіны. Белтэлерадыёкампанія транслявала святую велікодную імшу з Архікафедральнага касцёла Найсвяцейшай Панны Марыі ў Мінску на тэлеканалах "Беларусь 1" і "Беларусь 24", каб усе, хто не змог прысутнічаць у храме асабіста, далучыліся да малітвы. Гэтая нядзеля - толькі пачатак велікоднага часу. Свята доўжыцца 50 наступных дзён, галоўны акцэнт якіх на наступным тыдні. У літургіі ён пазначаецца як Актава Вялікадня.
