Прафесар Віцебскага тэхналагічнага ўніверсітэта стаў дыпламантам Міжнароднага Алфёраўскага фонду падтрымкі адукацыі і навукі. Дыплом за дасягненні ў распрацоўцы новых прынцыпаў тэорыі спектраў лазерных матэрыялаў Аляксею Карніенку ўручыў асабіста Жарэс Алфёраў. Як адзначыў лаўрэат Нобелеўскай прэміі, сіла Беларусі ў яе народзе і ў тым, што краіна развівае прамысловасць, сельскую гаспадарку і навуку.
Нагадаем, Жарэс Алфёраў нарадзіўся ў Беларусі, часта бывае тут і сочыць за дасягненнямі беларускіх навукоўцаў. 20 гадоў назад ён быў абраны замежным членам Нацыянальнай акадэміі навук Беларусі. За вялікі асабісты ўклад у развіццё фізічнай навукі, арганізацыю беларуска-расійскага навуковага супрацоўніцтва ўказам Прэзідэнта Аляксандра Лукашэнкі Жарэс Алфёраў узнагароджаны ордэнам Францыска Скарыны.
