Свет сёння адзначае Дзень касманаўтыкі. Напярэдадні свята стала вядома, што для новага беларускага спадарожніка спецыялісты плануюць падрыхтаваць унікальныя фотаапараты айчыннай вытворчасці. Дзеючая оптыка дазваляе бачыць нават лабавое шкло аўтамабіляў з вышыні 36 000 кіламетраў, а новы апарат будзе яшчэ больш дакладным. Дарэчы, новы спадарожнік на паперы будзе гатовы ўжо да 2019 года. Той, што знаходзіцца зараз на арбіце, у рабочым стане.
Дзмітрый Сікорскі, начальнік навукова-канструктарскага ўпраўлення "Космас" ААТ "Пеленг": "На сённяшні дзень у космасе знаходзіцца 5 камплектаў здымачнай апаратуры, якая ўсталяваная на спадарожнік беларускі і на расійскія касмічныя апараты. Да канца гэтага года плануецца яшчэ 3 запускі спадарожнікаў розных заказчыкаў, на якія будзе ўсталяваная карысная нагрузка вытворчасці ААТ "Пеленг".
2018 год стане асаблівым для беларускай касманаўтыкі. Бо ў верасні Мінск прыме міжнародны кангрэс, на які з'едуцца больш за 150 касманаўтаў з 40 краін.
