Наваполацк стане культурнай сталіцай Беларусі - 2018

Пра гэта паведамілі ў Міністэрстве культуры. Характэрна, што ў наступным годзе горад адзначыць 60-годдзе. Наваполацк - найбуйнейшы цэнтр нафтахімічнай прамысловасці не толькі ў нас, але і ў краінах СНД. Гэта трэці па колькасці жыхароў населены пункт паўночнага рэгіёна пасля Віцебска і Оршы. Вялікую ўвагу надаюць і развіццю культуры. Горад пастаянна прымае буйныя конкурсы, фестывалі і форумы. Званне культурнай сталіцы прысуджаецца ў Беларусі 9 раз. Наваполацк прыняў эстафету ў Бабруйска.