Камплекты цацак паводле казак можна ўбачыць у Музеі гісторыі музычнай і тэатральнай культуры. "Чыпаліна", "Марозка", "Залаты пеўнік" і "Рэпка" - рэтраспектыва далікатных экспанатаў савецкай эпохі - гэта прыватны збор калекцыянера з Віцебска Наталлі Кавалёвай. У яе калекцыі больш за тры тысячы навагодніх атрыбутаў. У сталіцу прыехала крыху больш за восем сотняў унікальных цацак. Першыя шары ручнога роспісу, самаробныя ўпрыгажэнні ваенных гадоў са шкла і дроту.
Асобы гонар калекцыі - цацкі на гастранамічную тэматыку. Напрыклад, савецкіх шкляных арэхаў у зборы больш за пяць кілаграмаў, свой асобны стэнд у кукурузы і баклажанаў.
