Федар Конюхаў у Мінску. Палотны вандроўніка, які 25 разоў трапляў у Кнігу рэкордаў Гінеса, паказвае Нацыянальны цэнтр сучасных мастацтваў. Паралельны прэм'ерны страйк экспазіцый - у Мастацкім музеі. Разгарнуўся батл паміж Вашчанкам і Ахрэмчыкам. Дарослым - рэбус, напісаны алеем. А дзе дзецям змагацца ў камандзе Дзеда Мароза за Новы год?
Афіша на выхадныя ў рубрыцы "Праменад". Ці гатовы навагоднія падарункі да адпраўкі ўсім дзецям краіны? Гэта ведаюць у Палацы Рэспублікі, тут склад прэзентаў. На галоўнай сцэне ідуць апошнія рэпетыцыі казкі-мюзікла. Усяго 36 разоў запусцяць "Машыну навагодняга часу" - менавіта столькі паказаў запланавана ў афішы. 23 снежня першы спектакль.
Ці ўдасца вераломнаму Шнупсу перапыніць дастаўку жаданых прэзентаў? Ці пераможа Дзед Мароз? Вынік гісторыі залежыць ад дапамогі амаль трохтысячнай залы. Ужо гатовыя маштабныя дэкарацыі да казкі, у дапамогу 250 квадратных метраў святлодыёдных экранаў. Кожны год для герояў мюзікла прыдумваюць і новае падарожжа, і музычнае суправаджэнне.
І калі ў Палацы Рэспублікі прэм’ера, у Белдзяржфілармоніі дадуць класіку. Папялушка, якой 73 гады, навек маладая ды чароўная. Ёй прысвяцілі танцавальны мюзікл. Фантазія разыгралася ў Дзяржаўнага акадэмічнага ансамбля танца.
Згодна са сцэнарыем, у Дзеда Мароза ператворыцца… сам Кароль. Дарэчы, інтэрпрэтаваў казку асабіста мастацкі кіраўнік ансамбля Валянцін Дудкевіч. На вечарыне будуць і Фіёна, і Жасмін, і Несмяяна. Ці станцуюць лявоніху? Дакладна будзе балет. Абяцаюць адысці ад стандартаў. Праспяваюць лірычную класіку, таму казачнікі чакаюць не авацый, а цішыні, увагі і зацікаўленасці.
Гадзіна спектакля, і толькі пасля інтэрактыў каля ёлкі. Дарэчы, адзінай жывой у культурных установах Мінска. Прыгажуняй ганарацца.
У Нацыянальным мастацкім усё ідзе сваім парадкам. Напрыканцы тыдня - страйк прысвячэнняў. Адначасова на авансцэну з фондаў "выходзяць" Гаўрыіл Вашчанка і Іван Ахрэмчык. Бадай што батл спадчыны двух народных мастакоў.
Сачыць за рэпетыцыямі прэм’ер і анонсамі экспазіцый можна кожную раніцу на тэлеканале "Беларусь 1". Больш культурных явак і арт-пароляў - на сайце Белтэлерадыёкампаніі.
