Праз амаль 4 дзесяцігоддзі ў Мінск вярнуліся помнікі XIX стагоддзя. Старажытныя помнікі з могілак на Залатой Горцы здабылі сваё гістарычнае месца. Гэта адбылося дзякуючы намаганням вернікаў і гісторыкаў. Яны выявілі надмагільныя пліты на сметніку ў вёсцы Прылукі Мінскага раёна.
Разбурэнне пахаванняў пачалося ў савецкія часы ў эпоху атэізму, калі храм быў закрыты для вернікаў. А ў 80-я надмагільныя пліты і зусім апынуліся на сметніку. Гісторыкі спадзяюцца адшукаць і іншыя помнікі.
Неўзабаве надмагільныя камяні ўстановяць ля касцёла Святога Роха. Гісторыкі ўжо вядуць пошукі звестак аб персонах, каму прысвечаны выяўленыя помнікі.
