Два злачынцы пакараныя ў Японіі

Абодва былі прызнаныя вінаватымі ў серыі забойстваў. Гэта чацвёрты выпадак прывядзення ў выкананне смяротнага прыгавору пасля прыходу да ўлады ўрада на чале з прэм'ер-міністрам Сіндза Абэ ў снежні мінулага года. На сённяшні дзень пакарання ў Японіі чакаюць 129 чалавек. Як правіла, смяротныя прыгаворы прыводзяцца ў выкананне не адразу, а праз некалькі гадоў пасля прыгавору суда. Смяротная кара ў Японіі здзяйсняецца праз павешанне. І паводле апытанняў грамадскай думкі, вялікая частка насельніцтва ў краіне - 85% - яе падтрымлівае.