Акцыі памяці Фідэля Кастра праходзяць па ўсім свеце

Да будынкаў кубінскіх дыпмісій нясуць кветкі і свечкі. А на самім Востраве свабоды праз дзве гадзіны пачнецца цырымонія развітання з камандантэ. Паводле яго волі, цела было крэміраванае ў суботу ў прысутнасці вузкага кола асоб. Зараз урна з прахам лідара кубінскай рэвалюцыі - у мемарыяльным комплексе Хасэ Марці ў Гаване. Аддаць даніну памяці тут можна будзе да паўдня аўторка, затым пройдзе жалобны мітынг і спецыяльная імша. Развітацца з экс-лідарам Кубы змогуць па ўсёй краіне. Да 3 снежня прах Кастра правязуць па 13 правінцыях. Пахаванні пройдуць у нядзелю ў Сант'яга-дэ-Куба на могілках, дзе спачываюць героі барацьбы за незалежнасць Кубы.