Прэзідэнт Беларусі сёння ўручыў генеральскія пагоны вышэйшаму афіцэрскаму складу. У Палацы Незалежнасці сабралася без перабольшання ваенная эліта краіны.
У адной зале сёння вайскоўцы, пагранічнікі, разведчыкі, праваахоўнікі і ратавальнікі. Асаблівы для Беларусі год 75-годдзя вызвалення ад нямецка-фашысцкіх захопнікаў назаўжды запомняць і гэтыя, сучасныя абаронцы Радзімы. Слаўныя традыцыі вялікага подзвігу герояў мінулага - гэта самы моцны стымул для тых, хто вырашыў прысвяціць сваё жыццё служэнню Айчыне. Тым больш, што выклікі сённяшняга дня пастаянна мяняюцца, пастаянна з'яўляюцца новыя рызыкі і пагрозы. Таму і метады абароны нашых інтарэсаў заўсёды павінны быць на крок наперадзе. Словы Прэзідэнта сталі важным пажаданнем для тых, хто сёння ўзяў новую прафесійную вяршыню. Самыя вопытныя вайскоўцы былі ўдастоеныя генеральскіх званняў. Гэта высокая планка, вядома, праудгледжвае і самую высокую адказнасць. Зрэшты, гэта датычыцца і ўсіх гасцей. Такое ўшаноўванне людзей у форме паводле традыцыі праходзіць пасля галоўнага дзяржаўнага свята краіны - Дня Незалежнасці. Сярод тых, каго сёння запрасілі на цырымонію, ёсць і непасрэдныя ўдзельнікі нядаўняга парада.
Так, удзельнікі цырымоніі прадстаўляюць розныя ведамствы, але ва ўсіх гэтых людзей галоўная мэта - абарона нацыянальных інтарэсаў. Кіраўнік дзяржавы пажадаў генералам з гонарам несці на плечах пагоны, афіцэрам жа - імкнуцца да дасягнення такіх вышынь.
