Завяршыць працы плануюць у лістападзе, а пакуль на развязцы арганізавалі аб'езд. На аб'екце пабываў Ілья Цвяткоў.
Рух у аб'езд па другім кальцы. На вуліцы Арлоўскай сёння пачаліся рамонтныя работы. Тут плануюць цалкам рэстаўраваць пуцеправод праз праспект Пераможцаў. Яшчэ ў студзені гэтага года ў канструкцыі моста з'явіліся расколіны. Часова пад пралётам на Арлоўскай усталявалі дадатковыя апоры і знізілі нагрузку на адну з палос. Зараз пуцеправод фактычна ўзвядуць нанова.
На час рамонту змянілася і схема руху транспарту. На вуліцы Арлоўскай патокі пусцілі па з'ездах з развязкі.
Праспект Пераможцаў для легкавых аўто часткова перакрылі. Альтэрнатывай руху на закрытым ўчастку стала вуліца Ціміразева. Пры гэтым маршруты грамадскага транспарту засталіся практычна нязменнымі.
На вуліцы Арлоўскай - новыя схемы руху
Замест двух тралейбусных маршрутаў у раёне развязкі пусцяць два дадатковыя аўтобусы нумар 10 і 33. А тралейбусы нумар 39 і 77 - ад праспекта Пушкіна будуць рухацца вакол квартала.Цалкам абнавіць канструкцыю плануецца праз чатыры месяцы - у лістападзе. Да гэтага часу аўтааматарам рэкамендуюць быць уважлівымі пры праездзе гэтага ўчастка горада.
