Новае аблічча набудзе цэнтральны праспект у Жодзіне. Будаўнікі пачалі мяняць выгляд магістралі. Зараз займаюцца ўладкаваннем абочыны і ліўнёвай сістэмы. Згодна з планам, дзве паласы ў абодва бакі застануцца, сама праезная частка будзе пашырана. А яшчэ павялічаць зоны з'езду і ўсталююць інтэлектуальнага рэгуліроўшчыка. Акрамя таго асаблівы акцэнт зробяць на стварэнні развязак і тунэляў для бяспечна перамяшчэння пешаходаў.
Абнаўленне галоўнага праспекта ў Жодзіне звязана з завяршэннем рэканструкцыі ўчастка трасы Р53 Смалявічы - Жодзіна. Яго плануюць увесці ў эксплуатацыю гэтым летам. Пасля пачнецца будаўніцтва новага ўчастка сучаснай магістралі - да Барысава.
