У Мінску праходзіць Міжнародная канферэнцыя аб развіцці інстытута дзяржслужбы

22 Кастрычніка 2019

Матывацыя ў сістэме дзяржкіравання, роля лічбавізацыі і арганізацыя заканадаўчага працэсу. У гэтыя гадзіны ў сталіцы праходзіць міжнародная канферэнцыя аб развіцці інстытута дзяржаўнай службы. Экспертнай пляцоўкай, дзе сабраліся без малога паўсотні ўдзельнікаў з 20 краін, у тым ліку з Бельгіі, Польшчы, Румыніі, Францыі, Казахстана, стала Акадэмія кіравання пры Прэзідэнце Беларусі. Мерапрыемства арганізавана сумесна з Саветам Еўропы і Астанінскім хабам у сферы дзяржаўнай службы. На працягу двух дзён (форум прадоўжыцца і заўтра) ўдзельнікі абмяркуюць падыходы да развіцця інстытута дзяржслужбы і абмяняюцца вопытам.

Аб кадравай палітыцы, аб рабоце дзяржапарату і падрыхтоўцы будучых кіраўнікоў у гэтых сценах гаварылі і на сустрэчы Аляксандра Лукашэнкі са слухачамі і выкладчыкамі Акадэміі кіравання. Удзельнікамі дыялогу сталі больш за 1 000 чалавек. Уся ўвага, безумоўна, моладзі - будучым кіраўнікам. Студэнтаў у сваю чаргу цікавілі падыходы да кіравання дзяржавай Прэзідэнта.