Напярэдадні Міжнароднага дня салідарнасці жанчын у Мінску стартаваў праект Job Shadowing

Прадстаўніцы бізнесу, дыпмісій і кіраўнікі міжнародных арганізацый у Беларусі запрасілі дзяўчат, якія бачаць сябе лідарамі ў будучыні, на бліц-стажыроўкі ў сакавіку або красавіку. Гэта эфектыўны спосаб развіцця дзелавога і лідарскага патэнцыялу. Дзяўчыны-студэнткі ва ўзросце ад 18 да 24 гадоў прыехалі на сустрэчу з дзелавымі лэдзі з розных куткоў Беларусі пасля таго, як прайшлі кастынг. Для іх гэта магчымасць правесці адзін поўны рабочы дзень з прафесіяналам у сферы міжнародных адносін, бізнесу.

У міжнародным праекце прынялі ўдзел студэнткі і навучэнцы беларускіх ВНУ, а таксама лэдзі - лідары бізнесу і дыпламатычных місій у Беларусі.