Сучасны падыход у лячэнні спінальных парокаў. У Гомелі паспяхова правялі дзве ўнікальныя аперацыі маленькім пацыентам з прыроджанай дэфармацыяй пазваночніка.
Зараз яны знаходзяцца ў артапеда-траўматалагічным аддзяленні абласной дзіцячай бальніцы. У аперацыях удзельнічала брыгада спецыялістаў з розных медустаноў. Дзецям усталявалі ў пазваночнік тытанавыя імпланты беларускай вытворчасці. Канструкцыі дазваляюць нівеляваць дэфекты развіцця шкілета.
Аперацыі сталі магчымыя дзякуючы беларуска-расійскай дыягнастычнай праграме "Спінальныя сістэмы". Яе мэта - ацаніць перспектыву развіцця дэфармацыі пазваночніка на ранняй стадыі.