80-годдзе вызвалення Беларусі ад нямецка-фашысцкіх захопнікаў - памяць, якая злучае пакаленні і патрыятычныя ініцыятывы. Дыялогавыя пляцоўкі, конкурсы дзіцячай творчасці, сустрэчы з ветэранамі і велазабегі.
Сімвалічны аўтацягнік памяці аб'яднаў актыўную моладзь Маскоўскага раёна сталіцы. Студэнты, маладыя спецыялісты - амаль сотня чалавек. Усе разам яны праехалі па маршруце бессмяротнага подзвігу часоў Вялікай Айчыннай. Патрыёты пабывалі на Кургане Славы. Да падножжа мемарыяла ўсклалі чырвоныя ружы, гваздзікі і ўшанавалі хвілінай маўчання загінуўшых.
Патрыятычны аўтацягнік толькі распачаў свой шлях. У навігатары - новыя маршруты па месцах воінскай славы і мемарыялах Мінскай вобласці. Да Дня Незалежнасці групы пабываюць у Хатыні і Дальве, а таксама ўскладуць кветкі ля помнікаў героям і ахвярам ваеннага ліхалецця ў Маладзечанскім і Клецкім раёнах.
