17 лістапада беларусы вызначыліся з саставам галоўнага заканадаўчага органа краіны сёмага склікання. Цэнтрвыбаркам аб’явіў папярэднія вынікі галасавання. Яўка - 77,22 %. Выбары адбыліся ва ўсіх 110 выбарчых акругах. Роўна столькі ж дэпутатаў і ўвайшло ў Палату прадстаўнікоў.
19 % народных выбраннікаў у Авальнай зале прадстаўляюць тыя ці іншыя палітычныя партыі. Гэта 21 чалавек. У астатніх партыйных білетаў няма.
Сярэдні ўзрост дэпутата - крыху больш за 50 гадоў, што гаворыць пра тое, што ў абсалютнай большасці гэта людзі з ужо добрым жыццёвым вопытам.
Сярод парламентарыяў 44 жанчыны. Гэта 40 % ад агульнай колькасці ніжняй палаты. У параўнанні з 2016 годам відавочны рост. Тады было абрана 38 прадстаўніц прыгожай паловы.
У новым складзе 30 дэпутатаў з шостага склікання. Гэта менавіта тая частка Палаты прадстаўнікоў, якая будзе рэалізоўваць прынцып пераемнасці.
Акрамя таго, у сёмым скліканні нямала медыйных асоб: і добра вядомы дыпламат Андрэй Савіных, і "Міс Беларусь - 2018" Марыя Васілевіч, а таксама Генадзь Давыдзька, Алег Гайдукевіч, Тэнгіз Думбадзэ, Лілія Ананіч і Ігар Марзалюк.
У чым асаблівасць ніжняй палаты сёмага склікання
18 ноября 2019