Яркія эмоцыі, дух саперніцтва і майстар-класы па стварэнні сувеніраў сваімі рукамі. У Брэсце праходзіць міжнародны фестываль "Міленіум", прымеркаваны да юбілею горада. Конкурс шматжанравы: вакал, танцы, тэатр, музыка, выяўленчае мастацтва. На адной сцэне прадстаўнікі розных узростаў з 36 гарадоў Беларусі, Расіі, Малдовы і Польшчы. Усяго каля 3 тысяч удзельнікаў. Дарэчы, самаму юнаму крыху больш за 4 гады, самаму вопытнаму паўстагоддзя. Прадэманстраваць свае таленты прыехалі нават сем'ямі. Кожны нумар ацэньвае прафесійнае журы, сярод якіх заслужаныя дзеячы мастацтваў нашай краіны і блізкага замежжа.
Завершыцца фестываль сёння вялікім гала-канцэртам, лазерным шоу і феерверкам. Арганізатары вераць, што конкурс стане традыцыйным. Калі будуць годныя прэтэндэнты, адзін з іх зможа выйграць пуцёўку на Сусветную алімпіяду мастацтваў. Усяго ў год тысячагоддзя Брэста запланавана звыш тысячы культурных і спартыўных мерапрыемстваў.
