У Беларусі стартаваў маштабны дабрачынны марафон "Нашы дзеці"

Больш як 300 аршанскіх школьнікаў сабраліся разам, каб пачаць навагодні марафон добрых спраў. Стартавала чароўная акцыя канцэртнай праграмай пад назвай  "Лагін: Зіма, пароль: Нашы дзеці". Падарункі, інтэрактыўныя гульнявыя зоны, маляўнічае шоу. Але перш на сцэну запрасілі дзяцей, якія ў адыходзячым годзе дабіліся прыкметных поспехаў у рэспубліканскіх і абласных творчых конкурсах, спаборніцтвах і алімпіядах. Тром школьнікам уручаныя сертыфікаты стыпендыятаў спецфонду Прэзідэнта Беларусі па сацыяльнай падтрымцы адораных навучэнцаў і студэнтаў.

Напярэдадні Новага года і Каляд у Аршанскім раёне адбудзецца больш як сотня дзіцячых ранішнікаў, флэшмобаў і добрых сустрэч. А 6 школьнікаў стануць удзельнікамі рэспубліканскай ёлкі ў сталіцы, 70 запрошаныя на губернатарскую ёлку ў Віцебск.