Сістэма крэатыўнай адукацыі дапаможа выпускнікам ВНУ хутчэй знайсці сябе на рынку працы

26 Сакавіка 2019

У МДУ праходзіць міжнародны форум "Універсітэты, грамадства і будучыня чалавецтва" з удзелам рэктараў і прэзідэнтаў вядучых расійскіх і замежных універсітэтаў, а таксама навукоўцаў і прадстаўнікоў бізнесу. Гэтым разам Беларусь прапанавала выкарыстоўваць сістэму крэатыўнай адукацыі. Гэтая методыка вучыць студэнтаў  ужываць свае веды на практыцы.

Андрэй Кароль, рэктар БДУ: "Гэта практыка адукацыі, заснаваная на вельмі моцным навуковым падыходзе. Калі выкладчык распрацоўвае свае заданні, калі ён распрацоўвае свае канспекты заняткаў, уключаючы дыстанцыйныя курсы, анлайн-курсы, але якія заснаваныя на адкрыцці чалавека, стварэнні студэнтам свайго ўласнага погляду на рэчы. Гэта важна. Гэта вучыць ставіць мэты, рэфлексаваць, гэта вучыць прымаць рашэнні там, дзе няма загадзя вядомых шаблонаў і вынікаў".

Таксама сёння студэнты БДУ і МДУ могуць атрымліваць падвойны дыплом. Пагадненне было падпісана ў канцы мінулага года.