Па выніках гонкі вызначаць фіналістаў, якія выступяць у "Эстафеце". А напярэдадні беларусы сталі лепшымі ў першым заездзе. Трасу працягласцю больш як 4 кіламетры наша каманда пераадолела за 22 хвіліны. Адрыў ад найбліжэйшага праследавальніка склаў дзве хвіліны. Стралялі дакладна! Паразілі ўсе пяць мішэняў - гэта ўмоўныя танкі і верталёт. Нагадаем, Армейскія міжнародныя гульні праходзяць да 11 жніўня на 24 палігонах 7 краін.
Напрыклад, у Казахстане пройдуць тры конкурсы - майстроў артылерыйскага агню, спаборніцтвы сувязістаў "Упэўнены прыём" і "Сакалінае паляванне" - спаборніцтвы беспілотных лятальных апаратаў. Конкурс лепшых мінамётных разлікаў стартуе заўтра. Сёлета ў ім будуць удзельнічаць салдаты 11 краін. Кожная каманда складаецца з 21 чалавека. Удзельнікі ўжо выканалі трэніровачныя заезды. Першымі на старт індывідуальнай гонкі выйдуць прадстаўнікі нашай краіны, а таксама Казахстана, Кыргызстана і Таджыкістана.
