Беларусь - адзіная краіна, дзе святкаванне Дня маці прысвечана святу Пакроваў. У гэты дзень праваслаўныя шануюць заступніцу дзяцей – Святую Дзеву Марыю. З Пакроваў пачынаецца час змовін, восеньскі вясельны сезон. Па гэтым дні вызначаюць, якой будзе зіма. Звычайна першы снег выпадае менавіта на Пакровы.
Дарэчы, і сіноптыкі папярэджваюць аб халодным надвор'і. Тэрмометры сёння пакажуць не вышэй за плюс 5. Гэта ніжэй за норму амаль на 4 градусы. Надвор'е, больш характэрнае для глыбокай восені, захаваецца і ў выхадныя.
