Не выключана, што ўсе гэтыя рарытэты і 3D-тэхналогіі хутка ўвойдуць у новы эксперымент "Электронная школа", да якога паступова далучаюцца беларускія рэгіёны. Інавацыйная адукацыя і новыя падыходы ў навучанні сёння абмяркоўвалі на маштабнай калегіі ў Мінску. Электронны журнал, дзённік і картка навучэнца хутка паўсюдна ўвойдуць ва ўжытак школьніка.
Больш падрабязна - Кацярына Шыбко. Алена Кавешнікава, нават знаходзячыся на выставе, ведае як праходзіць навучальны дзень яе вучняў. За паспяховасцю школьнікаў сочыць у анлайн-рэжыме. Да праекта "Электронная школа" іх гімназія падключылася два гады таму. Да сістэмы прывыклі і ўжо асвоіліся. 12 класаў ужо цалкам адмовіліся ад дзённікаў папяровых.
Апроч электроннага журнала і дзённіка, адзін з важных складальнікаў праекта - электронная картка навучэнца. Яе таксама сёння прэзентавалі на выставе. Яна служыць адначасова праязным, фармулярам у бібліятэцы і пропускам, дзякуючы якому бацькі могуць адсочваць час прыходу дзіцяці ў школу. Гэтай жа карткай вучань можа нават расплаціцца ў сталовай.
Інавацыйная адукацыя і новыя падыходы ў навучанні сёння абмяркоўвалі на маштабнай калегіі ў Мінску. Сёлета да эксперымента "Электронная школа" плануюць паступова падключаць і рэгіёны. Праект па-ранейшаму ў краіне пакуль будзе працаваць у тэставым рэжыме.
Разумная школа, дыстанцыйнае навучанне і аўтарскія методыкі выкладання - усе гэтыя праекты сёння спецыяльна прапанавалі ўдзельнікам калегіі на адукацыйнай выставе.
Выставу ўмоўна падзялілі на дзве часткі. З аднаго боку - праекты аб тым, як школьнікаў вучыць, з іншага - прэзентацыя таго, што яны ўжо ўмеюць. Прайсці міма гэтай экспазыцыі было проста немагчыма - усіх гэтых робатаў зрабілі школьнікі: яны ж іх збіралі, яны ж іх і праграмавалі. У кожнай машыны свая функцыя - гэты робат, напрыклад, паднімае цяжкія прадметы, другі - збірае кубік Рубіка за 90 секунд.
Ужо ў канцы сакавіка супрацоўнікі Міністэрства адукацыі плануюць сабрацца на семінары, прысвечаным інфарматызацыі навучання ў цэлым. Тым не менш, адмаўляцца цалкам ад школы традыцыйнай ніхто не збіраецца - яе эфектыўнасць правераная ўжо дзясяткамі гадоў.
