Аўтары відэа - каманда яхтсменаў, вядомых, дарэчы, у Нарвегіі шоуменаў - перажылі сапраўдную прыгоду, сеўшы на мель на Дняпры пад горадам Дуброўна ў Віцебскай вобласці. Яхтсменам спатрэбілася дапамога беларускіх ратавальнікаў.
Нашы карэспандэнты тады актыўна падключыліся да аперацыі. Сюжэт у верасні выйшаў у эфіры "Панарамы".
А вось тыя самыя кадры займальнай выратавальнай аперацыі. Экіпаж вітае тых, хто сабраўся ля яхты, на нарвежскай мове. Дарэчы, менавіта журналісты АТН першымі даведаліся, што на борце іх калегі з нарвежскага ТБ. У выратавальнай аперацыі прымалі ўдзел МНС, Асвод, маральна падтрымлівалі мясцовыя жыхары і журналісты. Перш чым здымаць яхту з мелі, вадалазы абследавалі дно. Толькі так можна было вызначыць, наколькі моцна засела яхта. Галоўнымі атрыбутамі выратавальнай аперацыі сталі альпінісцкі рыштунак і паветраныя падушкі. Пасля зладжаных дзеянняў ратавальнікаў судна зноў апынулася на плаву. А ўдзельнікі экспедыцыі запэўнілі: гэтыя кадры стануць часткай шоу. І, як бачна, стрымалі слова.
