Мінск на тыдні зноў стане цэнтрам вялікай палітыкі. У Беларусі пройдзе маштабны форум экспертнай ініцыятывы "Мінскі дыялог". Дэвіз цяперашняй сустрэчы - "Усходняя Еўропа: у пошуках бяспекі для ўсіх". Узровень прадстаўніцтва небывалы. У Мінск прыбудуць Генеральны сакратар АБСЕ, экс-генсак АДКБ, намеснік памочніка кіраўніка НАТА, а таксама 350 вядучых экспертаў і палітыкаў з 40 краін. Год таму на сесіі Парламенцкай асамблеі АБСЕ Прэзідэнт Беларусі Аляксандр Лукашэнка прапанаваў пачаць новы Хельсінкскі дыялог. Глабальная бяспека страціла механізмы стрымак. І як падкрэсліў у інтэрв'ю "Галоўнаму эфіру" кіраўнік экспертнай ініцыятывы "Мінскі дыялог", пра неабходнасць новага фармату сёння гаворыць і сітуацыя ва Украіне, і іншыя падзеі ў свеце: Сірыя, справа Скрыпалёў, узаемныя санкцыі.
Частку дыскусій на форуме прысвяцяць і эканамічнаму складальніку. Адкрыецца "Мінскі дыялог" у сераду, 23 мая.
