На тэрыторыі пагранзаставы "Лоеў" адкрылі памятную кампазіцыю ў гонар Мікалая Сушанава

25 Мая 2019

Гераічны подзвіг беларускага пагранічніка ўвекавечылі ў бронзе і мармуры. На тэрыторыі пагранзаставы "Лоеў" ўрачыста адкрылі памятную кампазіцыю ў гонар Героя Савецкага Саюза, удзельніка бітвы за Днепр Мікалая Сушанава. Яго імя прыкладна паўгода таму прысвоілі Лоеўскаму пагранічнаму падраздзяленню. Указ быў падпісаны Прэзідэнтам. Сёння ў Лоеве ужо ўскладаюць кветкі да новага помніка і збіраюць матэрыялы для будучага музея. Ахоўны рубеж на гераічнай зямлі наведала Ганна Кавалёва.

Унучка героя Людміла Герлятовіч звяртаецца да свайго дзеда. Кажа, у памяці сям'і ён заўсёды жывы, як і яго подзвіг. Мікалай Сушанаў - удзельнік легендарнай бітвы за Днепр, якая павярнула ход Другой сусветнай вайны. Тады на фарсіраванні Дняпра малады пагранічнік сустрэў свой 23-ці дзень нараджэння.

У бітве за Днепр Сушанаў адным з першых пераправіўся  цераз раку. Першым кінуўся ў рукапашную, закідаў гранатамі дзот праціўніка і варожы кулямёт. Арганізаваў знішчальныя атрады і ўтрымліваў супраціўленне да падыходу асноўных сіл. Раненні, нямецкі палон, уцёкі і партызанская жыццё. За подзвігі ён атрымаў больш за 10 медалёў, ордэнаў і званне героя.

У кастрычніку мінулага года пагранзаставе "Лоеў" прысвоена імя Мікалая Сушанава. Сёлета на тэрыторыі падраздзялення адкрылі ўжо памятную шыльду і мемарыяльную кампазіцыю. Цяпер застыламу ў бронзе герою штодзень будзе аддаваць гонар ўжо маладое пакаленне пагранічнікаў.

Па памежнай традыцыі на імянной заставе ўладкавалі спальнае месца героя. На ложку - яго галаўны ўбор, а побач стэнд з біяграфіяй і спісам узнагарод.

Сёння справу Сушанава на берагах Дняпра працягвае сучасная пагранслужба. Пад аховай Лоеўскай заставы  водны рубеж  даўжынёй  60 кіламетраў. У памочніках  службовыя сабакі, аўтамабілі і катары. Увогуле прысваенне пагранзаставе імя - падзея рэдкая для ўсёй краіны: у Беларусі імянных падраздзяленняў усяго 13. Большасць  у Брэсцкай вобласці. А вось у Гомельскай  першай такой стала менавіта Лоеўская.

 

Зараз у Лоеўскім раёне ідуць актыўныя работы па пошуку артэфактаў, звязаных з жыццём і подзвігамі Мікалая Сушанава. Знойдзеныя рэчы стануць асновай музея. Ён з'явіцца на тэрыторыі заставы і першых наведвальнікаў сустрэне ўжо ў наступным годзе.