Прыхільнікі актыўнага адпачынку на свежым паветры накіраваліся на лядовыя каткі і арэны і, вядома, у беларускія гарналыжныя цэнтры. Надвор'е ў навагодні ўікэнд сапраўдны спрыяе аматарам пакатацца на каньках, лыжах або сноўбардах. Тым больш усе яны - даступныя і папулярныя віды спорту. У атмасферу зімовых забавак пагрузіўся і наш карэспандэнт Аляксей Кандраценка.
Вялікі тэмпературны мінус для актыўнага адпачынку толькі плюс! З раніцы ў сталіцы амаль 20 градусаў марозу, але многія накіраваліся ў Лагойскі раён. Гарналыжны цэнтр "Сілічы" - адно з любімых месцаў адпачынку не толькі мінчан, але і многіх беларусаў і расіян. Для масквічоў Анастасіі і Андрэя гэта ўжо трэці зімовы ваяж у нашу краіну.
Сярод гасцей і знакаміты спартсмен і трэнер Мікалай Мірны. Сёння больш у ролі настаўніка: на лыжах пад яго кіраўніцтвам жонка Алена.
Дарэчы, сярод адпачывальнікаў нямала і аматараў спусціцца са схілу нават не з ветрыкам, а хутчэй, з асаблівым драйвам.
У пашане ў аматараў зімовага экстрыму і сноўбард. Такая дошка дазваляе развіваць нават большую хуткасць, чым звычайныя горныя лыжы. Праўда, і трэніроўкі на сноўбардах нашмат складанейшыя.
У вопытных спартсменаў свая персанальная экіпіроўка. Зрэшты, у пунктах пракату гарналыжныя камплекты даступныя ўсім ахвотнікам.
Няма куды яблыку ўпасці, а дакладней, лыжную палку паставіць у гэтыя дні і ў гарналыжным комплексе "Лагойск". Папулярныя не толькі ў дзяцей цюбінгі тут умела спалучаюцца са стромкімі схіламі.
Адзінае, што сёння ў дэфіцыце ў гарналыжных цэнтрах, - гэта нумары гатэляў. Яны забраніраваныя да канца студзеня. Сярод турыстаў традыцыйна больш за ўсё расіян - 80%. Але месцаў на трасах і лядовых катках хапае на ўсіх. Нават пры аншлагу, які, судзячы па ўсім, прыйшоў надоўга. Бо, паводле прагнозаў, снег і мароз вырашылі затрымацца.
