Вера ў сябе і велізарная праца. Так можа сказаць пра свой творчы поспех Віялета Банковіч, аўтар выставы "Іншая глыбіня", якая стартавала ў прасторы гандлёвага цэнтра "Сталіца". У Віялеты спінальная цяглічная атрафія. Але сваёй творчасцю маладая мастачка даказала зваротнае: яе магчымасці бязмежныя! На рахунку Віялеты з дзясятак выстаў у сябе на малой радзіме, у Маладзечне. Таксама яркія працы аўтара бачылі ў Мінску, у Палацы Незалежнасці.
"Іншая глыбіня" - новы праект Беларускага саюза жанчын. Ён стартаваў у канцы 2023 года. Выстава Віялеты Банковіч - другая экспазіцыя цыкла. Ініцыятыва задумана для падтрымкі творчых жанчын з інклюзіяй і для прыкладу жыццялюбства, які яны даюць усім, хто побач.
