Пяройдзем да не менш актуальнай у кастрычніку - тэме АПК. Да сярэдзіны наступнага тыдня беларускія аграрыі плануюць завяршыць уборку бульбы. У засекі пакладзём не менш, чым летась - больш за мільён тон. Да таго ж, частку зможам і прадаць. Наш караняплод на смак ужо ацанілі шматлікія. Таму экспарт насення кожную вясну толькі расце.
Захапляецца беларускай бульбачкай і грузінскі Прэзідэнт Георгій Маргвелашвілі. Аб чым падрабязна і навочна распавёў у сацыяльных сетках. Наш караняплод добра прыжываецца на розных землях і дае багаты ўраджай. Не дзіўна, што генетычны банк бульбы, нароўні з банкам тканак і клетак чалавека, аб’яўлены ў Беларусі нацыянальным набыткам. Наш карэспандэнт Святлана Лук’янюк зазірнула да селекцыянераў, даведалася, якія гатункі ў хаду на рынку і як лепш захаваць ураджай да вясны.
Чым багатая Беларусь-бульбяная, добра ведаюць навукоўцы. У гэтым інстытуце на вока вызначаюць кожны з сотні гатункаў. За год з'яўляецца хоць бы адзін новы. Работа гэта вельмі працаёмкая.
Масава выкарыстоўваецца 10-15 гатункаў. Пад пасадку ў Беларусі - 30 тысяч гектараў. Гэтых плошчаў хапае.
Аб уборцы другога хлеба гаворым у Мінсельгасхарчы. Зараз апошнія дзянькі вялікай працы. Надвор'е не ахці. Дажджы, але ўраджайнасць добрая.
На бульбе атрымоўваецца зарабіць і вялікія грошы. Летась вось за гэтае фота выклалі мільён долараў. Аўтар - ірландзец Кевін Абош, здымае ў асноўным знакамітасцяў, але так удала і дорага прадаў менавіта непамыты клубень на чорным фоне. Мы паказалі гэты здымак нашым селекцыянерам.
А тое, што нашым селекцыянерам падабаецца, ацанілі і нашы пакупнікі. Мы прадаём бульбу і на насенне, і проста для спажывання. Заказы ўжо ёсць. Паставім за мяжу не менш, чым летась.
Адна з краін, дзе наша бульба прыжылася на ўра, - Грузія. На смак і ўраджайнасць ацаніў беларускую бульбу і Прэзідэнт Георгій Маргелашвілі. З мяшка, які падарыў летась Аляксандр Лукашэнка, ён на дачы выкапаў шэсць. Аб чым падзяліўся ў сацыяльных сетках.
Тое, што ў Грузіі бульбу любяць і гатуюць не менш, чым у Беларусі, мы ўпэўніліся і ў адным з рэстаранаў Мінска. У меню яна заўсёды, як і ў заказах гасцей.
Наша бульба добра захоўвае форму і лёгка прымае залацісты колер. Так што ў заказах на яе вялікі попыт.
Каб на сталах бульбачка была круглы год, яе трэба правільна захоўваць. У вяскоўцаў нароўні са скляпамі і дзедаўскі спосаб яшчэ сям-там у ходзе.
Больш чым 800 тысяч тон бульбы мы сёння спакойна захоўваем у сябе ў засеках, Для гэтага пабудавалі сучасныя сховішчы.
Гэты свіран ужо засыпаны па поўнай. Спецыяльнае асвятленне. Тэмпература +1 і вентыляцыя. Усё для таго, каб захаваць да вясны і паступова адгружаць гандлю. А ў магазінах не меней за 90 % менавіта нашай бульбы.
Пад такія аб'ёмы адкрылі і другі склад, тут захоўваюць у скрынях. Праз тыдзень іх будзе да дзвярэй. Вялікі попыт пачнецца праз месяц. Зараз пакуль пакупніка перацягваюць восеньскія кірмашы.
Усю інфармацыю па закладцы на зіму збірае МАРГ. Паводле іх звестак, у фондах зараз 16 тысяч тон бульбы, гэта траціна ад неабходнага. Укласціся ў тэрмін і аб'ёмы плануюць да 15 лістапада. І, як запэўнілі нас у Мінсельгасхарчы, дэфіцыту бульбы не будзе.
А між тым, нашы навукоўцы ўжо думаюць пра ўраджай другога хлеба будучыні. Каб здзівіць нас, напрыклад, каляровай, фіялетавай, бульбай.
