У сталічным рэгіёне на гэтым тыдні значна зменіцца характар надвор’я. На змену спякоце прыйдуць халаднаватыя паветраныя масы з паўночных шырот. Заўтра ўначы паветра прагрэецца да 9 градусаў цяпла. Днём слупок тэрмометра будзе паказваць ад 17 да 22 градусаў са знакам плюс.
Дзмітрый Рабаў, начальнік cлужбы Рэспубліканскага цэнтра па гідраметэаралогіі: "У другой палове тыдня мы трапім пад уладу цыклону з цэнтрам над Балтыйскім морам, і на нашу тэрыторыю будуць накіроўвацца па-ранейшаму халодныя, але вільготныя паветраныя масы. Калі ў чацвер па паўночна-заходняй палове чакаюцца кароткачасовыя дажджы, то ў пятніцу будуць дажджы, навальніцы. Ноччу 4-9 градусаў, днём ад 17 да 21".
У выхадныя характар надвор'я на тэрыторыі Мінскай вобласці не зменіцца. У суботу і нядзелю чакаюцца дажджы і навальніцы. Сіноптыкі папярэджваюць: паўночны вецер будзе ўзмацняць адчуванне прахалоды, таму апранацца трэба цяплей.
