Беларускія школьніцы заваявалі два залатыя медалі на экалагічнай алімпіядзе ў Кеніі
16 апреля 2019
Беларускія школьніцы заваявалі два залатыя медалі на экалагічнай алімпіядзе ў Кеніі, якая праходзіць у гэтыя дні ў Найробі. Паліна Баравікова і Марыя Лаўрыва абышлі 550 юных эколагаў з 18-ці краін. Аўтары праектаў - навучэнцы Рэспубліканскага цэнтра экалогіі і краязнаўства ўзнагароджаныя залатымі медалямі і спецыяльнымі сертыфікатамі. Штогадовая алімпіяда Golden Climate - маштабны міжнародны конкурс, які накіраваны на прасоўванне глабальнага разумення экалагічных праблем сярод моладзі.