Вядомае пано манументаліста Аляксандра Кішчанкі, візітную картку беларускай сталіцы рыхтуюць да рэстаўрацыі. На аднаўленчыя работы з гарадскога бюджэту ўжо вылучана 20 000 рублёў. Зараз ЖКГ Першамайскага раёна сталіцы ў пошуках праектнай арганізацыі. Спецыялістам трэба выканаць ювелірную працу, паколькі ўсе чатыры пано пад аховай дзяржавы і з'яўляюцца гісторыка-культурнай каштоўнасцю.
Аляксей Рудкоўскі, намдырэктара ЖКГ Першамайскага раёна г. Мінска: "Даследаванні пачнуцца ў жніўні. Вельмі шмат схаваных работ. Там будуць прастуквацца поласці. І пасля азначэння відаў работ ужо будзе зробленая праектна-каштарысная дакументацыя з рэкамендацыяй, з усім. І пасля гэтага будзе выбраная арганізацыя, якая будзе яго рамантаваць".
Арыгінальныя гмахі ў мікрараёне Усход былі пабудаваныя ў 1979. Меркавана, аднаўленне шэдэўра манументальнага мастацтва завершыцца ў наступным годзе.
