Гэтымі хвілінамі ідзе жараб'ёўка ўдзельнікаў дзіцячага музычнага конкурсу. Яна праходзіць заўсёды ярка. Сёлета гэта захапляльная прыгода, якая пачалася з падарожжа па Віцебску на трамваі - бо менавіта ў гэтым горадзе больш як сто гадоў таму з'явіўся першы ў Беларусі вулічны цягнік. Затым хлопцы пераселі на цеплаход і да месца правядзення жараб'ёўкі ўжо плылі па Заходняй Дзвіне.
Аб выніках жараб'ёўкі, яна яшчэ не скончылася, мы паведамім у наступных выпусках. Сёння ж будуць падведзеныя вынікі конкурсу візуальных мастацтваў Арт-сесія. На сцэне канцэртнай залы Віцебск з сольнай праграмай выступіць пераможца расійскага тэлепраекта Голас Сяргей Валчкоў. Дарэчы, артыст нарадзіўся ў Беларусі ў Магілёўскай вобласці. А спектаклем Віновая дама Гродзенскага тэатра лялек стартуе новы для фэсту праект Лялечны квартал.