Святкаванне 1025-годдзя Хрышчэння Русі, якое пачалося ў Маскве, сёння перамесціцца ў Кіеў, а затым у Мінск. Гэтым вечарам на вакзал украінскай сталіцы прыбывае літарны цягнік - ён прывязе крыж Андрэя Першазваннага. У Кіеве пройдзе набажэнства на Уладзімірскай горцы і Боская літургія на Саборнай плошчы Кіева-Пячэрскай лаўры. Гэта неад'емная частка ўрачыстасцяў у гонар святога князя Уладзіміра. У іх таксама прымуць удзел дэлегацыі ўсіх памесных праваслаўных цэркваў.
Пасля Кіева мерапрыемствы перамесцяцца ў Мінск. Позна вечарам 28 ліпеня прыбудуць Патрыярх Маскоўскі і ўсяе Русі Кірыл, а таксама прадстаяцелі і дэлегацыі памесных праваслаўных цэркваў. Пасля сустрэчы крыжа, святыня на ноч будзе дастаўленая ў сталічны прыход Андрэя Першазваннага. А з 29 ліпеня па 2 жніўня крыж будзе знаходзіцца ў храме ў гонар Усіх святых у Мінску.
