Пленэр драўлянай скульптуры прайшоў у вёсцы Ляскавічы Гомельскай вобласці

18 Жніўня 2019

Ад эскіза да ўвасаблення - 10 дзён. Пленэр драўлянай скульптуры "Ажыўшая даўніна" прайшоў у вёсцы Ляскавічы Гомельскай вобласці. 10 майстроў з усяго рэгіёна ўвасаблялі ў дрэве герояў твораў Якуба Коласа. У стварэнні драўляных шэдэўраў выкарыстоўвалі стамескі, нажы і нават сякеры з бензапілой. Вынікам конкурсу сталі 20 скульптур. Самыя высокія дасягалі некалькіх метраў. Заахвочванні атрымалі ўсе ўдзельнікі. Таксама журы выбрала тройку пераможцаў.

Пленэр "Ажыўшая даўніна" праводзяць раз на два гады. Цяперашні - шосты. Скульптуры, створаныя падчас пленэра-2019, стануць упрыгожваннем вуліц Петрыкава.