Пасля сустрэчы ў Палацы Незалежнасці ўдзельнікі адправіліся на "Мінск-Арэну" на рэпетыцыю сваіх нумароў.
І на сувязь са студый ізноў выходзіць Вольга Мядзведзь (прамое ўключэнне). Зараз на сцэне Албанія. А мы перамясціліся ў грын-рум. Менавіта з гэтага пункта "Мінск-Арэны" дэлегацыі будуць назіраць за шоу, спускацца ў закуліссе перад нумарам і, вядома, хвалявацца ў чаканні запаветных 12 балаў у скарбонцы.
На гэты момант на сцэне пабывалі ўжо 8 канкурсантаў: Арменія, Аўстралія, Азербайджан, Ізраіль, Францыя, Македонія, Грузія, Ірландыя. Кожны дзейнічае па адпрацаванай схеме: прымерка, настройка вушных манітораў, рэпетыцыя, па рэгламенце - 40 хвілін на прагон, прагляд эфірнага варыянту выступлення і невялікая прэс-канферэнцыя.
Зараз мы ў чаканні нашага Даніэля Ястрэмскага. У гэтыя хвіліны ён як раз у пакоі вушных манітораў настройвае свой гук, каб добра чуць свой голас падчас песні. На еўравізійную сцэну ён паднімецца адразу пасля Албаніі. А гэта прыблізна праз 15 хвілін. На сёння Даніэль завершыць рэпетыцыйны дзень.
Хачу адзначыць, што з-за вялікай колькасці ахвотнікаў убачыць гэтае маштабнае шоу ў продаж паступілі дадатковыя білеты на танцпляцоўку генеральнай рэпетыцыі, якая пройдзе 24 лістапада.
