На сцэне Вялікага тэатра загучыць юбілейны міжнародны Калядны оперны форум

Мінск стане цэнтрам прыцягнення зорак акадэмічнага вакалу. Ужо заўтра на сцэне Вялікага тэатра загучыць юбілейны міжнародны Калядны оперны форум. 10-е  свята адкрые вядомая опера Аляксандра Барадзіна "Князь Ігар". Увогуле  на суд гледачоў прадставяць 4 рэпертуарныя пастаноўкі з запрошанымі салістамі.  Чакаем і спектакль ад Нацыянальнай оперы Украіны. Трупа галаўнога Кіеўскага тэатра прадставіць спектакль "Севільскі цырульнік"  Расіні.
 

Гала-канцэрт "Маладыя галасы сусветнай оперы"

Сёння на сцэне Вялікага - гала-канцэрт "Маладыя галасы сусветнай оперы". Гэта перфоманс ад лаўрэатаў і пераможцаў Мінскага міжнароднага каляднага конкурсу вакалістаў мінулых сезонаў. Сёлета ён не праводзіцца. Пачуем адразу 15 маладых выканаўцаў з розных краін свету.