Беларускае трыа на сцэне ледзь больш за год, але калектыў ужо паспеў заявіць аб сабе на галоўных пляцоўках краіны, запісаць некалькі хітоў і зняць на іх кліпы. І хоць падчас праслухоўвання для Еўрабачання іх нумар атрымаў высокую ацэнку, то за паводзіны відавочны незалік.
Падрабязнасці ў Іны Пілевіч.
Яны вымусілі журы чакаць! На праслухоўванні для конкурсу Еўрабачанне група NAPOLI не змагла справіцца са сваімі сцэнічнымі ўборамі! Складаныя для нашэння пруткія гарсэты і грувасткія шлейфы перашкодзілі дзяўчатам своечасова выйсці да музычных суддзяў.
Каб ізноў не спазніцца на выступленне, якое адбудзецца гэтым разам у прамым эфіры, адмовіліся ад складаных убораў. Хоць да фіналу нацыянальнага адбору на Еўрабачанне застаецца каля месяца, артысты ўжо прапрацоўваюць свае новыя сцэнічныя вобразы. Паеткі, каштоўныя камяні, пацеркі, карункі, аксаміт або шоўк: чым здзівіць тэлегледача - прыняць рашэнне дапамагае прафесійны дызайнер.
Прадпрымальны Ілля, вытанчаная Ілона, эфектная Вольга - група NAPOLI у асобах. У трыа - два дыпламаваныя спевакі і выкладчыкі па вакале, а таксама прафесійная мадэль. У іх агульныя не толькі музычныя, але і спартыўныя інтарэсы. Назву групы запазычылі ў любімага італьянскага футбольнага клуба. Са спартыўнай стараннасцю ўсяго за год сваёй кар'еры заваявалі радыёэфір не толькі Беларусі, але і Расіі, Украіны. Зараз мараць стаць першымі на Еўрабачанні.
Група NAPOLI, фіналісты Нацыянальнага адборачнага тура Міжнароднага конкурсу песні Еўрабачанне-2014: Самае галоўнае - гэта вельмі вялікі вопыт для любога артыста. Гэта праца над сабою каласальная, зразумела, мы хацелі б паехаць на Еўрабачанне і зрабілі б для гэтага вельмі многае, таму галасуйце за групу NAPOLI .
Stay With Me або Застанься са мной - лірычная балада пра каханне, з якой група NAPOLI выйдзе ў прамы эфір нацыянальнага адбору на Еўрабачанне. Тэкст пісалі самі, з мелодыяй дапамагалі беларускія кампазітары. Ужо ў пятніцу трыа прыйдзе ў Белтэлерадыёкампанію, каб абмеркаваць з рэжысёрамі тэлешоу сцэнічныя задумкі свайго нумара.
