Праграмай Дня беларускага пісьменства падзяліліся ў Мінску. Цэнтральнай лакацыяй урачыстасцей стане Гарадок Віцебскай вобласці. Форум пройдзе ў першыя выхадныя верасня.
Віцебская зямля - радзіма Ефрасінні Полацкай і Францыска Скарыны - падарыла чытачу аўтара паэмы "Тарас на Парнасе" Канстанціна Вераніцына. Паэма праз прызму сучасных аўтараў ляжа ў аснову канцэртнай праграмы адкрыцця. Даты, якія пройдуць чырвонай лініяй праз арганізацыю свята, - 80-годдзе вызвалення Гарадка ад нямецка-фашысцкіх захопнікаў, 140-ы дзень нараджэння Янкі Маўра, 20-годдзе праекта "Бацькаўшчына... У пошуках страчанага". Пралог форуму - экспедыцыя "Дарога да святыняў", старт адбудзецца 30 жніўня. А фестываль кнігі і прэсы пройдзе з 2 па 3 верасня.
Юбілейны форум анансуе і "Гарадоцкія чытанні". Вы даведаецеся імёны трыумфатараў Нацыянальнай літаратурнай прэміі, лепшых чытальнікаў, ацэніце прэзентацыю патрыятычнага тварэння Саюза пісьменнікаў. Свае трафеі атрымаюць прадстаўнікі творчай моладзі і журналісты-пераможцы конкурсу "Хвала рукам, што пахнуць хлебам". Фінальнае слова літаратурнага марафону - перадача вымпела - выпала гораду Івацэвічы (сталіцы Дня беларускага пісьменства 2024 года).
