Нашу краіну прадставіць 13-гадовы Аляксандр Мінёнак. Імя трыумфатара нацыянальнага адбору стала вядомае напярэдадні падчас прамога эфіру на тэлеканалах "Беларусь 1" і "Беларусь 24". Песня "Музыка маіх перамог" і яе выканавец атрымалі пуцёўку ў сталіцу Мальты - Валету, дзе сёлета 20 лістапада адбудзецца міжнародны музычны форум. Што адбывалася за кадрам тэлешоу і першае інтэрв'ю з трыумфатарам - у рэпартажы Ніны Мажэйкі.
Ён злавіў за хвост сваю "залатую рыбку". Па выпадковым супадзенні Саша Мінёнак нават у відэавізітоцы для нацыянальнага адбору сімвалічна злавіў удачу.
Да сваіх 13-ці Саша атрымаў поспех. Саліст тэатра эстраднай песні "Сябрынка", у нядаўнім мінулым "Хвілінка", выпускнік акадэміі Ігара Крутога, лаўрэат вакальных конкурсаў. Сцэнічны вопыт адбіўся - юны артыст літаральна заехаў на гідраскутары на здымачную пляцоўку нацыянальнага адбору.
Cтаўку на тэхналагічнасць нумара зрабілі практычна ўсе канкурсанты. Здзіўлялі не толькі графічным афармленнем - сцэна дазваляла выкарыстаць кантэнт любой складанасці, але і касцюмамі, і нават "разумным абуткам".
А яшчэ выяўлялі цуды спрыту. Так у Машы Магильнай экран слухаўся ўзмаху рукі. А яшчэ дзяўчынка размаўляла на мове жэстаў.
Размінкі, прагоны - у дзень адбору рэпетыцыі доўжыліся аж да прамога эфіру. Рэпетыцыя з вядучымі ў рэжыме прамога эфіру праходзіла з дакладнасцю да секунд.
А падчас трансляцыі ўсе практычна ляталі. За перыметрам студыі ў экранаў збіраліся і канкурсанты, і госці.
Атмасфера напальвалася не толькі ад асвятляльных прыбораў, але і ад хвалявання за вынікі. Свежую ноту ўнеслі тыя, хто перажыў выпрабаванне "Еўрабачаннем". Пакуль адны аддавалі галасы, іншыя выстаўлялі балы.
Паводле традыцыі, галасаванне праходзіць у фармаце 50/50. Рашэнне прымаюць тэлегледачы і журы. Але ніхто не ведае, дзе знаходзіцца той самы пакой, дзе вершацца лёсы фіналістаў.
З меркаваннем прафесіяналаў настолькі лічацца, што для іх галасавання вылучылі спецыяльнае памяшканне. У атмасферы таямнічасці журы прымае рашэнне. Выніковае. Гэта стала відавочна, калі здарылася "нічыя". Усё вырашылі папяровыя сэрцы. У выпадку з Сашай "музыка яго перамог", перафразуючы песню, прыйшлася па сэрцы журы. Апроч папяровага, пераможца атрымаў яшчэ і "Хрустальнае сэрца" сімвал нацыянальнага адбору. Трыумфатар мінулага года ўручыў яго цяперашняму. Гістарычнае фота на памяць і першае інтэрв'ю ў новай якасці.
Сёлета змяніўся фармат дзіцячага конкурсу песні. Галасаваць будзе толькі прафесійнае журы - дзіцячае і дарослае.
Вольга Саламаха, каардынатар праектаў Белтэлерадыёкампаніі і Еўрапейскага Вяшчальнага Саюза:
"Ужо праз тыдзень адбудзецца пасяджэнне савета, членам якога з'яўляецца Белтэлерадыёкампанія, дзе будзе распрацоўвацца фармат новага дзіцячага конкурсу "Еўрабачанне-2016". І для Сашы будзе шмат і навін, і задач, і працы, якую яму трэба будзе зрабіць у найбліжэйшыя два месяцы".
