25-ты кінафестываль "Лістапад" пройдзе з 2 па 9 лістапада ў Мінску

Доўгачаканая падзея для ўсіх кінаманаў. 25-ты Міжнародны кінафестываль "Лістапад" пройдзе з 2 па 9 лістапада ў Мінску. Зараз ідзе падрыхтоўка да кінафоруму - фарміруюцца конкурсныя праграмы. Адкрыта акрэдытацыя для журналістаў. У конкурсах "Лістапада" штогод удзельнічае каля паўтары соцень фільмаў. Акрамя гэтага - пазаконкурсная праграма, сустрэчы з вядомымі кінематаграфістамі і майстар-класы. Штогод кінафестываль збірае каля 40 тысяч гледачоў і больш за сотню гасцей з усяго свету.