Яго працы ўжо бачылі жыхары абласных цэнтраў, але ў сталіцы абяцаюць здзівіць маштабам. Дзеля гэтай экспазіцыі Сафронаў адабраў яшчэ некалькі дзясяткаў работ у сваёй майстэрні. Некаторыя, дарэчы, дапісаныя літаральна толькі што.
Максім Кароткін убачыў іх першым. У маленькай майстэрні Нікас Сафронаў спецыяльна для мінскай выставы дапісвае карціну ў стылі дрым-віжн. Летуценны погляд. Ледзь затуманены, невідавочны позірк мастака мінчане ацэняць ужо праз некалькі дзён. Прычым шэраг прац будуць выстаўленыя ўпершыню. На момант гэтай здымкі яны нават не былі скончаныя.
Па праўдзе кажучы, выстава мастака ў Беларусі ўжо ідзе. Працы Сафронава пабывалі ў абласных цэнтрах. Спецыяльна для завяршаючай экспазіцыі ў Мінску ён пашырыць сваю мастацкую прастору за кошт работ з майстэрні. Карціны розныя, але агульную тэматыку выставы, абяцае Нікас, аматары жывапісу ўловяць.
Сафронава ў Маскве называюць самым модным і самым вядомым сучасным расійскім мастаком. Яго працы ёсць у калекцыях Сафі Ларэн і Жан-Поля Бельмандо, Леаніда Кучмы і караля Іспаніі. Ён жыве ў цэнтры Масквы побач з Юрыем Башметам і Сяргеем Лаўровым. Але прызнаецца, што марыць пра Беларусь. І партрэт беларускага Прэзідэнта.
З тэрасы яго кватэры адкрываецца выдатны від. Але, мабыць, сталіца ля ног - яшчэ не мяжа. Знакамітасцям таксама ёсць пра што марыць.
