У святочныя дні наведваць тых, хто воляй лёсу апынуўся ў няпростай жыццёвай сітуацыі, будзь то зусім юнае або старэйшае пакаленне беларусаў, - правіла, якое стала добрай традыцыяй для ўсіх беларусаў. Для дзяцей і пажылых у сваім шчыльным графіку абавязкова знаходзіць час і Прэзідэнт. На гэтым тыдні Аляксандр Лукашэнка заехаў у госці да ветэранаў вайны і працы, якія жывуць у доме-інтэрнаце "Світанак". За шклянкай чаю кожны імкнуўся расказаць сваю гісторыю.
За адным сталом тыя, хто дзясяткі гадоў працаваў настаўніцай, або служыў у міліцыі. За плечамі гэтых людзей - неацэнны вопыт у самых розных сферах. Прэзідэнт з цікавасцю выслухаў кожнага. Бо ва ўсіх тут розныя лёсы: хтосьці тут забыўся аб шматгадовым адзіноцтве, хтосьці менавіта тут набыў вялікую і дружную сям'ю. А Аляксандра Лукашэнку яны дзякуюць не толькі за клопат і ўвагу. Бачыць Беларусь мірнай - для іх лепшы падарунак.
Домам пражывання "Світанак" стаў для 92 пенсіянераў. Самаму пажылому тут 98 гадоў. У кожнага - свая міні-кватэра з сучаснай мэбляй і тэхнікай. 10 чалавек знаходзяцца тут на ўмовах рэнты. Гэта значыць, свае гарадскія квадратныя метры яны перадалі дзяржаве, таму ў "Світанку" жывуць бясплатна. Дарэчы, сумаваць бабулям і дзядулям тут не прыходзіцца. Ёсць працоўныя майстэрні, кружкі па інтарэсах. Словам, усё для таго каб свой "залаты" час яны праводзілі шчасліва. У будучыні побач з'явіцца новы шасціпавярховы корпус на 250 месцаў з басейнам, крыясаунай, салянай пячорай і трэнажорнай залай. Але будаваць такі аб'ект трэба толькі пад рэальную патрэбнасць - такую задачу паставіў Кіраўнік дзяржавы.
