Землетрасенне магнітудай 7,3 адбылося некалькі гадзін таму ля ўсходняга ўзбярэжжа Японіі. Аб’яўленая пагроза цунамі. Прычым вышыня хваль можа дасягаць трох метраў. Эпіцэнтр знаходзіўся ў прэфектуры Фукусіма на глыбіні дзесяць кіламетраў. Жыхароў узбярэжных раёнаў зараз заклікаюць неадкладна перабрацца на ўзвышшы і не пакідаць іх. Таксама створаны спецыяльны цэнтр па надзвычайных сітуацыях.
