Запланаваныя на лістапад старты двух "Саюзаў" - з касмічным апаратам "Глонас-М" і з грузавым караблём "Прагрэс" - могуць не адбыцца. Раскосмас не знайшоў ахвотнікаў застрахаваць пускі ракет. Галоўнай прычынай стала аварыя на Байкануры пры запуску карабля на МКС 11 кастрычніка.
Страхавы рынак чакае рашэння дзяржаўнай камісіі, якая займаецца расследаваннем інцыдэнту. Да высвятлення прычын прыпынены і ўсе старты да міжнароднай касмічнай станцыі. Эксперты схіляюцца да таго, што памылка была дапушчана на этапе зборкі ракеты.
