Улады Японіі вырашылі пачаць эвакуацыю людзей ва ўзросце з круізнага лайнера Diamond Princess

Улады Японіі вырашылі сёння пачаць эвакуацыю людзей ва ўзросце з круізнага лайнера Diamond Princess. Судна, нагадаем, знаходзіцца на каранціне да 19 лютага. У японскім Міністэрстве аховы здароўя ўпэўненыя, што працяглае знаходжанне на судне людзей, якім больш за 80 гадоў, можа выклікаць у іх абвастрэнне хранічных захворванняў. Частку пасажыраў забралі з судна сёння. А маштабная эвакуацыя, мяркуючы па ўсім, пачнецца заўтра. 

Каранавірус не паўплывае на правядзенне Алімпіяды ў Японіі

Агульная колькасць заражаных 219 чалавек. У іх ліку супрацоўнік каранціннай службы, які працаваў на судне. Кампанія Diamond Princess, якой належыць карабель, паведамляе, што гатовая цалкам пакрыць пасажырам кошт круізу. На гэты момант у Японіі зарэгістравана 247 пацверджаных выпадкаў заражэння вірусам. Між тым, як запэўнілі ў аргкамітэце, каранавірус не паўплывае на правядзенне ў Японіі Алімпійскіх і Паралімпійскіх гульняў 2020 года.