Ва Украіне адмовіліся ад Дзеда Мароза на карысць Святога Мікалая

Ва Украіне ўсё часцей аддаюць перавагу Святому Мікалаю. Такую тэндэнцыю заўважылі мясцовыя СМІ. Традыцыйна Святы Мікалай выконвае функцыі каляднага чараўніка ў заходніх рэгіёнах краіны. Чакаецца, што менавіта ён, а не Дзед Мароз, павіншуе з Новым годам жыхароў Кіева, якія ў свята збяруцца на Сафійскай плошчы. Украінскія СМІ пішуць, што адмова ад Дзеда Мароза на карысць Святога Мікалая можа быць звязана з так званай палітыкай дэкамунізацыі, якая апошнім часам праводзіцца ў краіне.