У сталіцы Грузіі не суціхаюць пратэсты з-за закона аб замежных агентах. Напярэдадні мітынгоўцы перакрылі плошчу Свабоды. Быў паралізаваны аўтамабільны рух. Незадаволеныя вадзіцелі гучна сігналілі. Ля дома ўрада паліцыя выставіла кардоны.
Жаночыя маршы ў Грузіі
І як па метадычцы ў розных гарадах Грузіі прайшлі жаночыя маршы. Арганізатарамі шэрагу пратэстаў у краіне выступаюць буйныя студэнцкія арганізацыі (як раз з ліку тых, каму новы закон гарантуе статус замежных агентаў). Большасць грамадскіх рухаў краіны фінансуецца або Еўрасаюзам, або Штатамі. Па новым законе такія структуры павінны публічна прызнаць той факт, што палітычнай дзейнасцю яны займаюцца за чужы кошт і ў чужых інтарэсах.
