У Аўстраліі бушуюць лясныя і стэпавыя пажары

У Аўстраліі бушуюць лясныя і стэпавыя пажары. Улады аўстралійскага штата Новы Паўднёвы Уэльс налічылі каля 50 ачагоў узгарання - у асноўным у даліне ракі Хантэр на поўнач ад Сіднея. Горш за ўсё справы ідуць у раёне гарадоў Порт Стэфанс і Цэснак. Агонь там распаўсюдзіўся ўжо на шэсць з паловай тысяч гектараў лесу і знішчыў мноства пабудоў. На барацьбу са стыхіяй кінутыя звыш тысячы чалавек і некалькі пажарных самалётаў, але пакуль узгаранні не атрымліваецца лакалізаваць. Ёсць небяспека распаўсюджвання агню на прыгарады Сіднея.